Младински културен центар - Битола (МКЦ- Битoла) е независна,  невладина, непартиска и непрофитабилна младинска организација.

Формирана е во 1997 под името Младинска културна асоциација (МКА) како неформална група од ентузијасти, млади луѓе и млади интелектуалци, дел од нив како самостојни артисти, музичари, актери, организатори и луѓе со напредни идеи. Првиот чекор во развојот на МКА - Битола беше реализиран со организирање на различни културни настани (поетски вечери, концерти, алтернативни театарски претстави и изложби). Како резутат од растечките потреби за интензивни активности во областа на културата, во септември 1999 МКА-Битола се регистрира како НВО. После периодот на внатрешното јакнење и реструктуирање МКА - Битола во Април 2000 изнајми работна просторија и започна со работа на развојот на различни проекти.

Во Мај 2002 во текот на  организационата реконструкција,   МКА-Битола беше трансформирана во повисока форма на НВО и согласно со промените продолжи да работи како Младински културен центар- Битола.