Работен камп е вид на групно  волонтирање и тоа група од 10-25 луѓе од иста или повеќе земји  работат заедно 10-30 денови  на точно определен проект. Тие можат да бидат поврзани со уметност, археологија, екологија, работа со деца, работа со маргинализирани групи, реконструкција на некој историски објект, фестивали, а секако постојат и кампови кои се едукативни, па според тоа ќе ги сретнете и кратенките ART, ARCH, ENVI, KIDS, SOCIO, RENO/RECON, FEST, EDU.

ЗОШТО РАБОТЕН КАМП?

Во меѓународното волонтерско опкржување ќе имате прилика да научите нешто за себе од сосема нов агол. Ќе имате прилика да ги тестирате границите на своите способности и да ги откриете во себе вештините за кои не сте биле ни  свесни. Запознавањето на животот на локалните жители, ќе запознаете нови култури кои ќе ве облагородат за секогаш. Најголема разлика која ќе ја забележите на крајот  на кампот нема да биде она што е околу вас, туку во вас!

Кој може да земе учество во Волонтерски работен камп?

Работните кампови се отворени за сите кои се полнолетни, има и тинејџерски работни кампови каде можат да учествуваат млади од 15-17 годишна возраст. Обично волонтерските работни кампови немаат горен лимит за ограничување на возраста.

Каде можеме да одиме на волонтерски работен камп?

Секоја година МКЦ - Битола нуди низа на дестинации за заинтересираните волонтери. Камповите се организираат на интернационално ниво  во Европа, Африка, Азија, Латинска Америка, Америка и Канада. МКЦ - Битола и организира интернационални волонтерски работни кампови каде што доаѓаат волонтери од сите овие краишта. Не е неопходо да отпатувате за да го почувствувате миксот на различните култури и да земете учество во заеднички проект.

Краткорочно волонтирање - работен камп

Временски период од 10 до 30 дена.

Групно организирање на слободното време, работа, сместување, јадење (група од 10 до 25 луѓе).

Волонтерите ги плаќаат патните трошоци, постои точно дефиниран проект со точно одреден временски период.

Развој на локалната заедница, стекнување на вештини, разбивање на предрасудите и интеркултурно учење за краток временски период.